fbpx
Mergata News
Lajme

Zemaj jep njoftimin shumë të rëndësishëm për lokalet ku mbahen ahengjet familjare

zemaj-jep-njoftimin-shume-te-rendesishem-per-lokalet-ku-mbahen-ahengjet-familjare

Ministri Zemaj ka dhënë një njoftim shumë të rëndësishëm për lokalet në të cilat mbahen ahengjet familjare.

Zemaj njofton se lokalet ku mbahen ahengjet familjare do mbyllen pa paralajmërim, mbajtja e maskave në kafene e domosdoshme.

Ministri i Shëndetësisë, Armend Zemaj, ka bërë të ditur se në lokalet e gastronomisë ku do të vazhdohet të mbahen dasma e tubime tjera familjare, do të ketë mbyllje pa paralajmërim.

Përmes një postimi në rrjetin social Facebook, Zemaj ka thënë se tashmë gastronomia mund të punojë edhe brenda hapësirave të mbyllura, por distanca mes tavolinave, higjiena dhe mbajtja e maskave nga personeli dhe nga klientët janë të domosdoshme.

Ky paralajmërim i Zemajt erdhi pas rritjes së numrit të rasteve pozitive me coronavirus në Kosovë.

Lakorja e infeksionit po pëson rritje edhe në Evropë, ku shumë shtete evropiane tashmë kanë marrë vendim për shtrëngim të masave kufizuese kundër COVID-19 si shkak i rrezikut të shpërthimit të valës së dytë të pandemisë.

Ky është postimi i plotë i Zemajt:

Masat anti covid duhet të respektohen nga çdo kush dhe në çdo kohë

Kërkoj që Policia e Kosovës dhe të gjitha inspektoratet pa dallim, bashkë me komunat dhe shtabet emergjente të veprojnë urgjentisht në parandalimin e përkeqësimit të situatës.

Inspektimet do të vazhdojnë me ritëm të shtuar, gjobat të shqiptohen sipas Ligjit për luftimin e pandemisë Covid-19 dhe nuk do të lejohet asnjë lloj shkarje prej ligjit, i cili duhet të zbatohet me përpikëri.

Nga nesër do të jenë në teren edhe 75 inspektorë sanitar, ndërsa nga Policia e Kosovës do të kërkojmë kthim të orarit të punës nga 12 orë në ditë .

Tash, kur gastronomia mund të punojë edhe brenda hapësirave të lokaleve të veta, distanca në mes të tavolinave, higjiena dhe mbajtja e maskave si nga personeli po ashtu edhe nga mysafirët janë të domosdoshme.

Aty ku ka neglizhencë, aty ku vazhdohet me dasma dhe tubime të tjera familjare, aty do të ketë mbyllje, pa paralajmërim, në të kundërtën masat e reja do të jenë të domosdoshme.

Tashmë kur lakorja e infeksionit po rritet në Evropë dhe Botë, dhe kur masat e mbylljes dhe karantina po kthehen në ato vende me risk të lartë të infeksionit, ne si Kosovë nuk guxojmë t’i lemë rastit asgjë.

Kjo është një sfidë e madhe që na takon të gjithëve dhe të gjithë së bashku do të ia dalim!

TË NGJAJSHME

Flet deputeti Shaip Kamberi për arsyet që e nxitën ta bëj fjalimin që “dridhi” Kuvendin e Serbisë

mergata.eu

Ëndërra” e çdo mashkulli, kështu dukej dikur Arta Nitaj! (FOTO)

mergata.eu

Driton Selmanaj: ‘Nuk jap dorëheqje me ditë që krejt popuIIi ngritet në këmb

mergata.eu