fbpx
Mergata News
Sport

Vendim i papritur i Ibrahimovicit: A po e paralajmëron rikthimin në Kombëtaren e Suedisë?

vendim-i-papritur-i-ibrahimovicit:-a-po-e-paralajmeron-rikthimin-ne-kombetaren-e-suedise?

A po e paralajmëron Ibrahimovic rikthimin në Kombëtaren e Suedisë?

Zlatan Ibrahimovic ka lënë të kuptohet se dëshiron të rikthehet në Kombëtaren e Suedisë, nga e cila u pensionua para katër vjetëve, pas formës mbresëlënëse me Milanin këtë sezon.

Ibrahimovic e postoi në rrjetet sociale një fotografi ku shihet me fanellën e kombëtares suedeze, në të cilën ka shënuar “kohë e gjatë pa u parë”, raporton Gazeta Express.

Ibrahimovic ka veshur për herë të parë fanellën e kombëtares suedeze në vitin 2001, që nga ajo kohë ai ka arritur që t’i shënojë 62 gola në 116 ndeshje.

Sulmuesi veteran nuk e ka veshur më fanellën e verdhë që nga Kampionati Evropian 2016, kur dështoi ta kalonte fazën e grupeve bashkë me kombëtaren e tij.

39-vjeçari është duke kaluar një sezon mbresëlënës me skuadrën e Milanos, me të cilët në katër ndeshje ai ka arritur të shënojë shtatë gola dhe të asistoi një herë.

Ndeshjet e radhës për kombëtaren suedeze do të jenë në muajin nëntor kundër finalistëve të botërorit të kaluar, Kroacisë dhe Francës.

Gjatë kësaj jave pritet të publikohet lista e lojtarëve të ftuar nga trajneri Janne Andersson.

TË NGJAJSHME

Humbja e Realit, ja kë po e fajëson Zidane

mergata.eu

Pioli me ndyrshimin të madh në formacion, po mendon të aktivizojë 5 futbollistë që nuk ishin titullar ndaj Interit

mergata.eu

Lojtari shumë i njohur rezulton pozitiv me koronavirus, kjo është gjendja e tij

mergata.eu