Mergata News
Opinione

Vaksinimi për koronavirus pritet të nisë para fundit të vitit

vaksinimi-per-koronavirus-pritet-te-nise-para-fundit-te-vitit

Lajm i mirë nga Gjermania, vaksinimi për koronavirus pritet të nisë para fundit të vitit.

Gjermania po përgatitet të nisë vaksinimin kundër koronavirusit përpara fundit të vitit, shkruan e përditshmja gjermane Bild.

Ministria e Shëndetësisë planifikon të krijojë 60 qendra të posaçme vaksinimi, për të siguruar që vaksinat mund të ruhen në temperaturën e duhur, dhe u ka kërkuar 16 landeve federale të vendit që t’i japin adresat për to deri më 10 nëntor, raporton Bild, pa cituar burimet e tij.

Në një video-konferencë këtë javë, ministri gjerman i Shëndetësisë, Jens Spahn, i cili edhe vetë është diagnostikuar me koronavirus të mërkurën, ka thënë se kompania BioNTech e Gjermanisë është afër miratimit të vaksinës së saj.

I pyetur se kur i pret vaksinat e para, Spahn ka thënë: “Kjo mund të ndodhë para fundit të vitit”, citon Bild pjesëmarrësit në video-konferencë.

BioNTech po zhvillon vaksinën në partneritet me kompaninë amerikane Pfizer Inc.

Muajin e kaluar, Gjermania ka ndarë 745 milionë dollarë financim për firmat bioteknologjike, BioNTech dhe CureVac, për të shpejtuar punën në vaksinat kundër koronavirusit dhe për të zgjeruar kapacitetin e prodhimit gjerman.

TË NGJAJSHME

Hadergjonaj: Do të rikthehemi më të fortë

mergata.eu

Challandes prezent në ndeshjen e Kosovës U21

mergata.eu

Në 24 orët e fundit, Gjermania shënon rekord të rasteve të reja të koronavirusit

mergata.eu