fbpx
Mergata News
Lajme

Tomë Gashi jep detaje për Etem Arifin, ja në favor të kujt duhet me vendos Gjykata Kushtetuese ‘pa marrë parasysh kush hidhërohet kush humbë’

Votat e deputetit Etem Arifi për Qeverinë Hoti bëri që çështja për kushtetushmërinë e Qeverisë të dërgohet në Gjykatën Kushtetuese.

E gjatë ditëve në vazhdim, kjo gjykatë do ta jap vendimin e saj për këtë.

Lidhur me gjithë këtë, avokati Tomë Gashi, ka thënë për gazetën “Bota sot” se Arifi dhe Shala i dhanë votat për Qeveri por që rasti i Arifit ishte më i veçantë për shkak të dënimit të tij.

“Deputeti Etem Arifi, është bërë deputeti më i përfolur kohëve të fundit për shumë arsye. Ai së bashku me z.Haxhi Hala i siguroi votat për Qeverinë Hoti, mirëpo dallimi është esencial sepse derisa Haxhi Shala ia ‘fali votën’ ish presidentit Hashim Thaçi, deputeti tjetër që i dha votën Qeverisë Hoti, Etem Arifi, ishte pak më i veçantë. Ai fillimisht në qeverinë Haradinaj i vodhi nja 20 e sa mijë euro, si zv.ministër apo çfarë ka qenë, pastaj pati një rrugë gjyqësore herë duke u dënuar e herë duke u kthyer rasti në rigjykim, por përfundimisht Kuvendi i Republikës së Kosovës me kërkesë të kryetares Vjosa Osmani në maj të vitit 2020 u informua për dënimin e këtij deputeti me dënim burgimi prej 15 muajsh”, është shprehur ai.

Gashi thotë se ky deputet paguhet nga taksat tona dhe se gjykata e mbajti seancën dëgjimore për të, ku palët dhanë mendimet e tyre.

“Ky deputet fatkeqësisht ende paguhet nga taksat tona edhe pse është në vuajtje të dënimit. Gjykata Kushtetuese dje pati një seancë publike dëgjimore, ku secila prej palëve i dha mendimet e veta për këtë çështje dhe derisa dikush u mundua që ta arsyetojë votën e këtij deputeti për qeverinë Hoti duke thënë se ky ka qenë deputet edhe në Qeverinë më të mirë të pasluftës të z.Albin Kurti, ishte një tentativë e shfajësimit të marrjes së mandatit në mënyrë të paligjshme nga z.Avdullah Hoti e ajo që është e sigurt është se në janar të këtij viti askush nuk e dinte për dënimin e deputetit Etem Arifi, sepse gjykata nuk e kishte njoftuar parlamentin e Republikës së Kosovës deri në maj të këtij viti, me kërkesë të znj. Vjosa Osmani”, ka thënë avokati.

Ai shton se esenca është se vota e tij është vota e 61 me të cilën u formua qeveria, pasi po të ishte e 70 apo 75, askush nuk do të merrej me të.

“Tanimë është e qartë se ne kemi të bëjmë më anëtarë të njëjtë të parlamentit të Republikës së Kosovës të dalë nga vota e 6 tetorit 2019, por esenca është se Qeveria Hoti u formua edhe me votën e 61 të këtij deputeti të dënuar dhe pa këtë votë sot nuk do ta kishim qeverinë Hoti. Për këtë arsye është e rëndësishme që të kuptohet se sa e rëndësishme ka qenë vota e të dënuarit e z.Arifi, dhe sikur vota e tij të ishte vota e 70 apo 75 askush nuk do të merrej me të, në këtë mënyrë siç erdhi puna tani që të kërkohet ku Gj. Kushtetuese të vendos për ligjshmërinë e votës së tij”, ka vlerësuar Tomë Gashi.

Sipas tij, Kushtetuesja duhet të vendos në favor të VV-së dhe që votën e deputetit ta shpallë nul, të pavlefshme dhe vendi të shkojë në zgjedhje.

“Gjykata Kushtetuese do të duhej që të vendoste në favor të kërkesës-mocionit të Lëvizjes Vetëvendosje dhe që votën e deputetit të dënuar Arifi ta shpallë Nul-të pavlefshme dhe që me aktgjykimin e saj vendin ta dërgojë në zgjedhje të parakohshme, të cilat zgjedhje duhet se kush do t’i fitojë e ajo është Lëvizja Vetëvendosje! Dhe dihet që shumë shpejtë do ta kemi qeverinë Kurti 2 pa marrë parasysh kush do të hidhërohet kush do të humb e kush do të frikësohet”, ka theksuar ai.

Avokati shton se VV është e fortë dhe këtë e treguan edhe zgjedhjet e mbajtura së fundmi në Podujevë.

“Se sa është e fortë Lëvizja Vetëvendosje dhe sa ka mbështetje nga qytetarët e Republikës së Kosovës u pa në zgjedhjet lokale me 29 nëntor në Podujevë ku nga forca e vullnetit për ndryshim ra edhe bastioni i fundit i LDK-së, që e mbante Podujevën për 20 vite si komunë të pa mposhtur nga partitë e tjera”, ka deklaruar Tomë Gashi për “Bota sot”.

TË NGJAJSHME

Kjo e moshuara nga Strellci kritikon gratë e reja: Veç me u endë dinë

mergata.eu

LAJMI I FUNDIT: Hashim Thaçi jep dorëheqje nga posti i presidentit

mergata.eu

Vjedhja e dy milionë eurove, profesori amerikan: Kosova edhe pas 12 vjetësh pavarësi po dështon ta luftojë korrupsionin

mergata.eu