Mergata News
Lajme

Shqipëria sot theu rekordin me numërin e të infektuarëve me koronavirus

shqiperia-sot-theu-rekordin-me-numerin-e-te-infektuareve-me-koronavirus

Koronavirusi në Shqipëri: Për herë të parë mbi 200 të infektuar në 24 orë.

Ministria e Shëndetësisë në Shqipëri raportoi se në 24 orët e fundit pesë persona kanë humbur. jetën nga koronavirusi duke e çuar në 434 numrin total të viktimave të pandemisë.

Ministria e Shëndetësisë konfirmoi gjithashtu 203 raste të reja me COVID-19 që është edhe hera e parë që në 24 orë regjistrohen mbi 200 të infektuar.

Gjatë 24 orëve të fundit u shëruan 87 persona duke bërë që numri total i të shëruarve të arrijë në 9762, shkruan A2 CNN.

Në total në Shqipëri janë konfirmuar 15955 raste me koronavirus, prej të cilëve 5759 janë aktivë.

Raporti i plotë i Ministrisë së Shëndetësisë:

Ju informojmë lidhur me situatën epidemiologjike në 24 orët e fundit të COVID19 në Shqipëri: Janë kryer 1351 testime në 24 orët e fundit, nga të cilët kanë rezultuar pozitivë 203 qytetarë të prekur nga virusi SARS-COV2.

Janë shëruar 87 qytetarë, duke e çuar në 9762 numrin e të shëruarve në vend që prej fillimit të epidemisë.

Rastet pozitive të konfirmuara në 24 orët e fundit janë identifikuar në këto bashki: 68 raste në Tiranë, nga 17 raste në Fier, Korçë, 15 në Elbasan, 14 në Berat, 12 në Lezhë, 10 në Durrës, 9 në Lushnje, 6 në Pogradec, nga 5 raste në Vlorë, Sarandë, nga 3 raste në Gramsh, Kuçovë, nga 2 raste në Shkodër, Kurbin, Mirditë, Tepelenë, Roskovec, nga 1 rast në Krujë, Kavajë, Librazhd, Mat, Fushë-Arrëz, Selenicë, Bulqizë, Shijak, Vorë.

Aktualisht në spitalin Infektiv dhe “Shefqet Ndroqi” po trajtohen 239 pacientë, 15 në terapi intensive nga të cilët 6 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 59 vjeçare nga Elbasani, një 79 vjeçare nga Vlora, një 87 vjeçare nga Tirana dhe dy qytetarë nga Durrësi: 66 dhe 85 vjeç.

Ministria e Shëndetësisë dhe Mbrojtjes Sociale ju rikujton se nga data 15 Tetor maska ose barriera mbrojtëse prej tekstili bëhet e detyrueshme edhe në ambientet e hapura jashtë shtëpisë, në mënyrë që të minimizohet përhapja e infeksionit.

Bëjeni mbajtjen e maskës pjesë të sjelljes tuaj të përditshme për të mbrojtur veten dhe të afërmit tuaj. Mos neglizhoni për asnjë moment ruatjen e distancimit fizik prej të paktën 1.5 m dhe kujdesuni për higjienën personale.

Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.

Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

TË NGJAJSHME

Mustafa dëshiron kërkimfalje pas akuzave se paguhet nga UP edhe pse nuk punon aty

mergata.eu

Një arkë vidhet në një xhami në Prizren

mergata.eu

Hajde Vjosë hajde: Me veturë zyrtare, kalon vikendin në Bogë! (FOTO)

mergata.eu