fbpx
Mergata News
Lajme

Selimi ia çon një porosi Haradinajt para nisjes për në Hagë

Kreu i deputetëve të LVV-së, Rexhep Selimi, sot në orën 09:00 udhëton drejt Hagës, pasi që atij mbrëmë Dhomat e Specializuara ia kanë konfirmuar aktakuzën, raporton Gazeta Express.

“Jemi te varri i Astrit dhe Arbnorit, nuk ka ngjarje tjetër që do të mund ta mposhte këtë ditë. Mos ma merrni si refuzim po do të flas prej atje, besoj prej atje më shkon zani më mirë. Nuk jam unë ai që e di”, ka thënë Selimi pak para nisjes për në Hagë.

Kjo deklaratë e Selimit vjen pas përplasjes që kishte pasur me kreun e AAK-së, Ramush Haradinaj.

Ish-kryeministri kishte pasur akuza të rënda për Selimin kur kishte thënë se ai “ka kënduar” para prokurorëve të Speciales.

“Rexhep Selimi ka këndu para prokurorisë”, kishte thënë ish-kryeministri, duke nënkuptuar se Selimi ka dëshmuar para prokurorëve për ditë me radhë.

Pavarësisht përplasjeve që kanë pasur lidhur me atë se kush ka kënduar para Speciales e kush jo, pas konfirmimit të aktakuzës, Haradinaj i ka dalë në krah Selimit.

Përmes një reagimi në Facebook, ai ka thënë se nuk ka gjyq që mund ta vë në dyshim përpjekjen e ushtarëve të UÇK-së për liri.

“Rexha do të dalë i pafajshëm sikurse gjithë të tjerët që pas aq shumë viteve iu duhet ta mbrojnë një epokë të historisë, e cila në fakt nuk ka nevojë për mbrojtje. Me çlirimtarët përgjithmonë e me besim në drejtësi”, ka shkruar Haradinaj.

Në mbrojtje atij i ka dalë edhe shefi i grupit parlamentar të AAK-së, Daut Haradinaj. Derisa ka shpërndarë një fotografi me Selimin, Haradinaj ka shkruar “Këtu jemi”. /GazetaExpress/

TË NGJAJSHME

Ismet Beqiri: ‘Populli me në fund e kuptoj se Kurti është argat i Serbis

mergata.eu

LAJMI FUNDIT: Vjen një lajm i mirë nga Gjykata Speciale

mergata.eu

Infektohet me koronavirus mikrobiologu Lul Raka

mergata.eu