Mergata News
Lajme

Policia tregohet e pamëshirshme ndaj personave që nuk i respektojnë masat anti-covid

policia-tregohet-e-pameshirshme-ndaj-personave-qe-nuk-i-respektojne-masat-anti-covid

Gjobiten rreth 600 qytetarë që nuk respektuan masat anti-covid për 24 orë.

Policia e Kosovës njofton se gjatë 24-orëve të fundit ka shqiptuar gjoba ndaj 592 qytetarëve të cilët nuk kanë respektuar Ligjin për parandalimin dhe luftimin e pandemisë COVID-19.

“Tiketa të shqiptuara në bazë të ligjit COVID-19 janë 592”, thuhet në këtë raport të Policisë së Kosovës, ku nuk specifikohen shkeljet që i janë bërë këtij Ligji.

Ligji për parandalimin dhe luftimin e pandemisë së COVID-19, është miratuar në muajin gusht nga Kuvendi i Kosovës.

Gjobat për mosrespektim të Ligjit për parandalimin dhe luftimin e pandemisë COVID -19 fillojnë nga 35 deri në 2000 euro, varësisht nga shkeljet që mund t’i bëhen këtij ligji.

Sipas të dhënave të Institutit Kombëtar të Shëndetësisë Publike të Kosovës (IKSHPK) që prej 13 marsit e deri më 10 tetor, në Kosovë janë regjistruar 16,130 raste me koronavirus.

Prej tyre, 14,282 pacientë janë shëruar, ndërkaq raste aktive vazhdojnë të jenë edhe 1,203.

Numri i përgjithshëm i viktimave me koronavirus ka arritur në 645.

TË NGJAJSHME

Kryeministri Hoti u tregon deputetëve të LVV-së se si duhet ta shohin një pikë të marrëveshjes me Serbinë

mergata.eu

Nesër mblidhet Kryesia e Kuvendit

mergata.eu

A do të ketë lirim të masave, flet Zemaj

admin