fbpx
Mergata News
Jetë

Koronavirusi përhapet lehtë gjatë fluturimeve të gjata

koronavirusi-perhapet-lehte-gjate-fluturimeve-te-gjata

Dalin dëshmi se koronavirusi përhapet lehtë gjatë fluturimeve të gjata.

Sipas një studimi të publikuar nga Qendra për Kontrollimin dhe Parandalimin e Sëmundjeve e Shteteve të Bashkuara, koronavirusi përhapet lehtë në mesin e udhëtarëve gjatë fluturimeve të gjata me aeroplan.

Në raport përmendet rasti i një gruaje që fluturoi nga Londra në Vietnam në muajin mars. Ndonëse ajo e kaloi kontrollin e temperaturës trupore, gruaja pati simptoma disa ditë më vonë dhe më pas doli pozitive në testin për koronavirus.

Përcjellësit e kontakteve arritën që ta lidhnin rastin e saj me 15 pasagjerë të tjerë, të cilët gjithashtu më vonë dolën pozitivë në testin për koronavirus, shkruan BBC, transmeton Gazeta Express.

Megjithatë, ky rezultat i studimit ka një kufizim, sepse në kohën e realizimit të këtij fluturimi nuk kishte obligim për vendosje të maskave gjatë fluturimeve, prandaj ka gjasë që shumica e pasagjerëve të kenë qenë pa maska në aeroplanin në të cilin ndodhej kjo grua.

Ndryshe, kompanitë ajrore kanë pësuar humbje të mëdha financiare nga përhapja e pandemisë për shkak të anulimit të shumë fluturimeve për muaj me radhë. Disa shtete kanë përgatitur pako ndihmëse financiare për t’i shpëtuar këto kompani nga falimentimi.

TË NGJAJSHME

Rrëfehet 27-vjeçari i prekur me koronavirus: U infektova në mars dhe akoma nuk jam mirë

mergata.eu

Çfarë do të thotë të shohësh orën e njëjtë, sipas besimit popullor

mergata.eu

Muajin e ardhshëm dihet nëse do të kemi këtë vit vaksinën kundër koronavirusit

mergata.eu