Situatë alarmante në kryeqytet, gati gjysma e rasteve të reja vijnë nga Prishtina.
Dy të vdekur dhe 169 raste me coronavirus është bilanci 24 orësh i publikuar nga IKSHPK.
Këto shifra kanë dalë nga 1.119 mostra sa janë testuar gjithsej. IKSHPK raporton po ashtu edhe për 85 të shëruar në 24 orët e fundit.
Numri më i madh i rasteve edhe sot është konfirmua në Komunën e Prishtinës, gjithsej 71.
Kryeqyteti pasohet nga Peja me 20 e Gjilani me 16.
Rastet pozitive janë nga komuna Prishtinë 71 raste, komuna Pejë 20 raste, komuna Gjilan 16 raste, komuna Podujevë 15 raste, komuna Gjakovë 9 raste, komuna Prizren 8 raste, komuna Fushë Kosovë 6 raste, komuna Obiliq 6 raste, komuna Ferizaj 4 raste, komuna Klinë 4 raste, komuna Deçan 2 raste, komuna Skenderaj 2 raste, komuna Suharekë 2 raste dhe me nga një rast komunat Istog, Lipjan, Shtime dhe Shtërpcë.